xullo, 2014

Xullo é o séptimo mes do ano no calendario gregoriano e ten 31 días. É un mes típico de verán, aínda que este ano o tempo non foi moi bo.

A temperatura media foi de 19, 93 ºC. O día de máis calor foi o 30, con 30,98 ºC de máxima, e o de máis frío o 7, con 11,35 º C de mínima. O día de máis vento foi o 9, cun refacho máximo de 40,18 km/h. Choveu 10 días e recolléronse 71 litros. O día que máis choveu foi o 19, con 31,3 l. Os días diminuíron en 43 minutos.

Florecen as papoulas, os caraveis silvestres, a lavanda, o millo, os breixos... Maduran as avelás, as mazáns, as claudias, as peras, as ameixas, os pexegos, os cereais...

Seméntanse os nabos, sulfátanse as viñas e páñase o trigo, o centeo, a avea, a cebada, as patacas, os tomates, os pementos, as xudías...

Crian os caracois, os leiróns,... e algúns paxaros teñen a segunda niñada. Por todas partes abondan os insectos.