Xeoloxía espectacular: volcáns de lodo de Azerbaiyán

Un volcán de lodo é una curiosa estrutura formada por un cráter e un cono volcánico de pouca altura, con pendente suave e bastante superficie.

A súa orixe pode estar relacionada coas formacións volcánicas (Wyoming-Estados Unidos), ou coas emanacións de gas asociadas aos xacementos de petróleo (Venezuela, Colombia, Italia, Rumanía…). No mundo coñécense arredor de 700 volcáns de lodo relacionados co petróleo. A maior concentración (uns 300) atópase nos arredores do Mar Caspio.

O ascenso dos gases emanados dos depósitos de petróleo (hidrocarburos gasosos, dióxido de carbono, gases sulfurosos…) elevan una arxila moi hidratada que chega a formar lagoas onde se ven as burbullas.

As distinta composición dos materiais dan lugar formacións diferentes:

-Con maior proporción de hidrocarburos prodúcense lagos de asfalto (Guanoco-Venezuela, La Brea-Trinidad)

-Se a arxila está pouco hidratada os conos acadan máis altura (El Totumo-Colombia)

-Se a arxila é moi líquida o cono é baixo (Yagrumito-Venezuela).

O Parque Nacional de Gobustán atópase a 64 km de Bakú, en Azerbaiyán. Inclúe un gran número de volcáns de lodo e máis de 600.000 pinturas de entre 5.000 e 20.000 anos declarados Patrimonio da Humanidade pola Unesco en 2007.