Xaneiro 2014

Xaneiro é o primeiro mes do ano e ten 31 días. O seu nome ven do latín ianuarius, polo deus Jano (en latín Janus), representado con dúas caras, o deus das portas (entrada e saída) ou do comezo e o final.

Florecen os eucaliptos, as mimosas, as amieiras, os chuchameles, as camelias ... Empezan a formar parellas algunhas aves (parrulos, corvos, merlos, pardales...) e os gatos andan ás “xaneiras”. O Bao segue cheo de aves invernantes.

O días van medrando e xa se aprecia o aumento das horas de luz, especialmente polas tardes (aumentaron em total 53 minutos).

O mes de xaneiro deste ano foi especialmente chuvioso, com fortes temporais e nevadas que causaron importantes danos por toda Galicia. Na nosa zona choveu 30 días e recolléronse 371 l m2.

ALGÚNS DATOS DO TEMPO EN GALICIA:

-Temperatura máis baixa: -7,4, en Xares (Ourense)

-Lugar onde máis choveu: Fornelos de Montes (Pontevedra): 701 litros. O día 6 recolléronse 95,6 l/m2.

-Racha de vento máis forte: 148 km/h en Punta Candieira (A Coruña)

-Nalgún puntos (Mesía e Sabón –A Coruña) choveu os 31 días do mes.

-A onda máis alta rexistrouse en Cabo Silleiro o día 6, con 20 m de altura máxima.