Wavecat. Enerxía do vaivén das ondas

O Wavecat é un prototipo de plataforma patentado polo grupo de Enxeñería e Auga da USC.

O aproveitamento da enerxía das ondas está a ser ser estudiado por un grupo de investigadores da Universidade de Santiago de Compostela, xunto coa Escola Superior de Enxeñeiros Navais de Ferrol e as empresas Vicus Desenvolvementos Tecnolóxicos e Norvento Enerxía.

Este sistema, chamado Wavecat é, polo de agora, un prototipo que consta de dous aparellos flotantes en forma de “V” encargados de concentrar a auga do mar. Grazas a este deseño, a altura e velocidade das ondas aumentará antes de chegar aos depósitos laterais onde as turbinas a devolven ó mar. É na descarga dende os depósitos cando a enerxía potencial se transforma en enerxía eléctrica que se transportará mediante un sistema de cables. Este deseño trata de resolver tres dificultades habituais no deseño de dispositivos para ondas: a irregularidade nas condicións das ondas, a resistencia en condicións extremas e o acoplamento entre a frecuencia das ondas e do xerador eléctrico.

A plataforma ten de 50 a100 metrosde eslora e unha capacidade de produción de2 a10 megavatios.Sitúase lonxe da costa a máis de 50 m de profundidade.

Algunhas das vantaxes do Wavecat son o feito de estar situado lonxe da costa, xa que reduce o impacto ambiental e visual e que se pechará ante condicións meteorolóxicas complicadas.