Por que sube o recibo da luz?

Nun dos seus anuncios, Endesa di que en 8 anos a luz tivo una subida dun 189% entre impostos e subvencións que non teñen que ver co suministro da luz. Con esta mensaxe dan a entender que a luz é barata e que principalmente son as subvencións a enerxías renovables as que fan que a factura sexa tan alta. Por esta mensaxe, algunhas compañías denunciaron a Endesa por publicidade engañosa, xa que en realidade as enerxías renovables só reciben un 9% do total da factura.

Nun desglose da factura da luz en función do destino dos ingresos eléctricos, podemos observar que as compañías eléctricas reciben o 55% das ganancias, os impostos do Estado o 27% , un 9% destínase a subvencións para enerxías renovables e hai outro pequeno apartado dun 9% destinado a outros, nos que se inclúen os costes das subastas Cesur (mecanismo de compra de enerxía mediante subastas), o transporte e subvencións á industria.
A pesar de comprobar que non son as subvencións para as enerxías renovables as que se levan boa parte da nosa factura da luz, co pretexto de reducir a tarifa, serán elas quen o sufrirán.

A WWF lamenta que non se cumplise ningún dos retos que propuxo ó Goberno para iniciar no 2013 un camiño cara un modelo renovable e fomenta as enerxías renovables e a mellora na eficiencia enerxética.