Setembro 2014

Setembro é o noveno mes do ano e ten trinta días. Oseu nome ven do latín "sétimo" por ser o número sete no calendario romano.

O 21 de setembro comeza o outono no hemisferio norte e a primavera no hemisferio sur.

Maduran moitos froitos e as follas das árbores comezan a cambiar de cor. Faise a vendima, plántase verdura, nabicol, rabizas...

Chegan as aves do norte a pasar o inverno: mazaricos, parrulos, avefrías, píllaras, pilros, gabitas, agullas, cullereiros, garzas, gaivotas escuras, corvos mariños reais, paporrubios, tordos, chías, estorniños...

Moitas aves vanse ao sur: gaivotas patiamarelas, anduriñas, avións, cucos, paspallás, cegoñas, avenoiteiras, mouchos orelludos, bubelas...

Este ano o mes de setembro houbo un tempo moi revolto. Choveu 15 días e nalgúns lugares do Salnés de forma torrencial producindo enchentes nas rúas. Recolléronse 156,2 litros e o día de máis chuvia foi o 18, con 43,7 litros. A humidade media foi moi alta (83,7 %) e as temperaturas variaron de 28,53 ºC de máxima (o día 1) a 10,52 º C de mínima (o día 30).