Sete anos sen capturar reló

Investigadores da Universidade de Vigo e do Consello Superior de Investigacións Científicas (CSIC) atoparon nos sedimentos da ría de Arousa preocupantes niveis da contaminación por cobre, arsénico e chumbo.

O “reló” (Dosinia exoleta), entre  outros moluscos bivalvos, veuse gravemente afectado adquirindo uns altos niveis de chumbo e prohibíndose así a súa captura durante os últimos sete anos, o que favoreceu a reprodución. A consecuencia que tivo a prohibición da captura do reló non tivo unha maior repercusión no salario dos rañeiros pero si era fundamental para cadrar as súas contas.

A que se debe esta gran acumulación destes metais na ría?

Hai uns cantos anos usábanse patentes moi fortes con alto contido de chumbo, na actualidade esas pinturas foron substituídas por outras máis lixeiras. Outra das posibles causas da contaminación é o mal funcionamento das depuradoras (EDAR), vertendo residuos no mar poden ser un problema, pero aínda non está determinado a verdadeira orixe destes metais na ría.

Recentemente a consellería do mar realizou unhas análises que mostraron que os niveis de metais foron reducidos. Despois de que se realice unha segunda proba, as rañeiras e rañeiros esperan volver mariscar o reló.