As plantas e a química

A Fitoquímica é unha disciplina científica que estuda os procesos das plantas e as substancias químicas que se xeran neles.

As plantas son grandes centrais químicas que producen infinidade de substancias que empregan para construir as súas estruturas, para defenderse do medio e dos depredadores ou para atraer aos animais que serven de polinizadores ou dispersadores das sementes.

Desde tempos antigos o ser humano empregou distintas partes das plantas como alimento, vestido, ferramenta, recipiente, adorno, material de construción... e pouco a pouco foi aprendendo a empregar moitos dos produtos químicos que producen para curar ou previr enfermidades, como cosméticos, colorantes, aromatizantes, velenos... A industria farmacéutica gasta moitos millóns de euros cada ano para investigar compostos vexetais con potenciais beneficios médicos.