Os xigantes do océano

Estudantes liderados por Craig McClain, estableceron un ranking coas especies máis grandes que habitan o noso fondo mariño. Para establecer esta clasificación analizaron o tamaño de baleas, quenllas, luras, augamares e outros habitantes do océano. Para obter a información entraron en contacto con científicos de diversas institucións e coleccionistas. Visitaron centros de fauna mariña e pesqueiros, examinaron espécimes conservados en museos e buscaron mesmo animais que se vendían por internet.

Efectivamente, moitos de vós credes que a balea azul é o animal máis grande que vive no mar…

E posiblemente non vos estades equivocando se o que realmente tedes en conta é o seu tamaño global, pois chega a medir 33 metros de lonxitude e a pesar casi 200 toneladas.

Pero, o certo é que a augamar melena de león ártica supera á balea azul, posto que é o animal máis longo do océano. Pode chegar a medir ata 36,6 metros de lonxitude, superando así en case 4 metros ás baleas azuis.