Por que os vagalumes teñen luz?
1 Febreiro 2013
Femia de vagalume
Os vagalumes son uns insectos que poden brillar na escuridade como se tivesen luz propia, de feito estes insectos tamén son coñecidos como bichos de luz.
Estes insectos son unha especie de escaravellos e existen preto dunhas 2.000 especies diferentes. A maioría posúen ás, o que os distingue de outros insectos luminescentes da mesma familia como os vermes de luz. Os vagalumes son insectos omnívoros e cun tamaño duns 3 cm. Viven en zonas húmidas do continente asiático e americano, e no caso de zonas máis secas, pódense atopar preto de terreos húmidos e pantanosos.
Os vagalumes poden brillar na escuridade porque teñen uns órganos lumínicos especiais situados debaixo do abdome que llo permite. Esta luz prodúcese a través dunha reacción química que se leva a cabo nos órganos lumínicos, onde unha substancia chamada luciferina se combina co osíxeno e está reacción produce luz e apenas un pouco de calor.
A luz dos vagalumes é xeralmente intermitente. Os científicos non saben exactamente como regulan a luz para apagala e encendela, pero si saben que a utilizan como un sinal para encontrar posibles parellas, ou como mecanismo de defensa.
