O zoo de Barcelona suspenderá as exhibicións con golfiños no 2017

O zoo de Barcelona reformará as instalacións dos golfiños coa construción de catro piscinas novas.

As obras comezarán a mediados do 2015 e durarán 20 meses. O novo espazo, que se estreará en 2017, xa non permitirá as exhibicións con estes animais. O cambio quere rematar coa contradición que supón prohibir espectáculos con animais nos circos e ao mesmo tempo ofrecer exhibicións con golfiños. A nova estrutura xa non terá gradas, e o único espectáculo que se ofrecerá aos visitantes serán “os coidados dos animais e o seu manexo”, segundo Recasens.

Os grandes prexudicados pola mellora das instalacións dos seis golfiños que viven no zoo de Barcelona serán os leóns mariños, que perderán espazo, e durante as obras, probablemente terán que abandonar o zoo.