O frío non nos abandona

Ultimamente podemos comprobar que os días de calor, ademais de ser moi escasos,  veñen acompañados de días de moito frío  que incluso en ocasións chegan a conxelar os cables da electricidade.  Isto ven ocorrendo dende hai uns anos, a partir de mediados de febreiro.

O frío e, en xeral, a temperatura do aire, depende da radiación solar e da posición que se ocupe. Por exemplo: en setembro en Moscú fai moito frío, mentres que nas costas do Mediterráneo español aínda se conservan as temperaturas do verán.

A temperatura, ademais, depende da dirección desde a que chega o aire, son as denominadas correntes de aire. Estas están constituídas por grandes masas de aire en movemento, teñen un papel importante respecto ó clima. 

O planeta Terra ten temperaturas extremas e contrapostas: nos polos, moi fríos, e no ecuador, moi quente.  Estas temperaturas fan mover o aire da máis fría ó da máis quente, pero a rotación da Terra provoca que o aire non chegue ao sitio que debería chegar,  facendo que remate noutros sitios.  En Sevilla e Córdoba en verán as noites soen ser frescas a excepción de cando chega aire africano, que fai aumentar a temperatura.  A España tamén ten chegado aire do Polo Norte moi frío, por esa razón en ocasións, pasamos dun dia cunha temperatura normal/media, a un día con temperaturas moi baixas ou viceversa.