Marzo (2016)

Marzo é o terceiro mes do ano no calendario gregoriano e ten 31 días. O seu nome deriva do latín Martius en honra ao desu romano da guerra, No calendario romano era o primeiro mes do ano.

Florecen a verdura, o nabicol, os grelos, os pampullos, as violetas, as xestas, os chícharos, os fabóns, os tulipáns, os lirios, as azaleas, os cartuchos, os aros, as leiteiras, as glicinias, as claudieiras, os estripos, os pexegueiros, as pereiras, os plátanos, os carballos, os chopos, os cereais de inverno, as patacas do cedo... Maduran os froitos do salgueiro, limoeiro, fabóns... Agroman os fentos do monte, os ambroíños, as vides, os carballos... Comezan a pañarse as patacas do cedo. Remátase de atar a viña e cávase.

Saen as rans, os ourizos, os lagartos. Veñen as anduriñas, as bubelas... Emparéllanse as xoaniñas e os sapos. Vense os coelliños

O día 20 comezou a primavera no hemisferio norte.

Foi un mes en xeral máis frío e chuvioso que o do ano pasado. Choveu 18 días e o que máis chuvia se se rexistrou foi o 28 con 25,4 l.

DATOS GALICIA:

-Temperatura mínima rexistrada: -6,4 ºC en Xares (A Veiga-Ourense).

-Temperatura máxima rexistrada: 23,7 ºC en Leiro (Ourense).

-Chuvia: total: 366 l en Coto Muíño (A Coruña). O día que máis choveu foi o 30, en Rus (A Coruña) con 103, 2 l.

-Refacho de vento máximo: 137, km/h, o día 27 en Punta Candieira (A Coruña).