Marzo, 2013

Marzo é o terceiro mes do ano no calendario gregoriano e ten 31 días. O seu nome deriva do latín Martius en honra ao desu romano da guerra. No calendario romano era o primeiro mes do ano.

Comezan a encherse de flores os campos e os xardíns: verdura, nabicol, grelos, pampullos, lamium, violetas, xestas, chícharos, fabóns, tulipáns, lirios, azaleas, cartuchos, aros, leiteiras, claudieiras, estripos, pexegueiros, pereiras, árbores do amor, plátanos, liquidámbar, carballos, glicinias, chopos, cereais de inverno, patacas... Maduran os froitos do salgueiro, limoeiro, fabóns... Agroman os fentos do monte, as vides, os carballos...

Comezan a pañarse as patacas do cedo e remátase de atar a viña e cávase

Saen as rans, os ourizos, os lagartos. Veñen as anduriñas, as bubelas... Emparéllanse as xoaniñas e os sapos e saen os primeiros coelliños.

O día 20 comezou a primavera e na madrugada do 30 ao 31 pasamos ao horario de inverno, adiantando os reloxos 1 hora. Os días medraron en 35 minutos.

Foi un mes especialmente chuvioso. En Cambados chouveu 28 días e recolléronse 226,8 litros, rexistrándose a máxima o día 25, con 29,4 l/m2. A máxima de Galicia rexistrouse en Lousame, con 499 litros. O día máis chuvioso foi o 25 de marzo en Boiro, onde se recolleron con 74,4 l/m2.