Febreiro (2015)

Febreiro é o segundo mes do ano no calendario gregoriano, con 28 días os anos normais e 29 os anos bisestos.

Foi chamado así en honra ás festas “februas”, o festival da purificación na antiga Roma, que naqueles tempos coincidían co fin de ano.

Na natureza aparecen os primeiros sinais do final do inverno. Comezan a inchar as xemas das árbores. Florecen os salgueiros, as mimosas, as acacias, os amendoeiros, os pexegueiros, as magnolias, o romeu, os loureiros, os narcisos, os xacintos, os toxos, os cáncaros, as violetas, a herba de namorar...  Os gatos, os lobos e os esquíos entran en celo. No mar desovan os abadexos e as raias; nos ríos as troitas. Aparecen os primeiros niños: pardais, merlos xiríns... Escóitanse os mouchos. Comezan a marchar as aves invernantes. Saen as primeiras ras.

Foi un mes de tempo moi revolto con grandes temporais de neve en todo o norte peninsular, especialmente na Cordilleira Cantábrica e nos Pirineos; e de ondas no mar. Os días medraron 70 minutos

ALGÚNS DATOS DE GALICIA:

-Refacho de vento máis forte: Punta Candieira (Cedeira), 123 km/h (día 9)

-Temperatura máis baix rexistrada: Xares (A Veiga), 9,3 ºC (día 8)

-Maior cantidade de precipitacións recollidas: Serra da Faladoira, 287 l.