Enerxía solar en Sotavento
7 Outubro 2013
O pasado luns, 30 de setembro, os alumnos e alumnas de 2º de ESO e 1º de Bacharelato fixemos unha visita ao Parque Eólico Experimental de Sotavento, onde nos explicaron varios tipos de enerxía renovables. Eu escollín explicar a enerxía solar.
A enerxía solar provén do Sol. Pódese aproveitar dunha maneira limpa, por medio dunhas placas (chamadas placas solares). Hai dous tipos, as placas solares térmicas que se empregan para quentar auga e as placas solares fotovoltaicas que se usan para producir enerxía eléctrica.
En Sotavento teñen instalacións de moitos tipos de placas térmicas e fotovoltaicas e maquetas para explicar como funcionan.
