Decembro 2012

É o duodécimo mes do ano e ten 31 días. Florecen os toxos, os acivros, as camelias... e caen as últimas follas das árbores. Hai menos cogomelos. No mar desovan algúns peixes.

O 21 de decembro comeza o inverno, é o día máis curto do ano (solsticio de inverno). Ata o 21 os días diminuíron en 14 minutos e a partir do 21 aumentaron dez minutos.

Foi un mes moi chuvioso, con 21 días de chuvia, algúns moi intensa. Houbo varios temporais e non xeou ningún día.

Na escola temos vacacións. O 24 e o 25 as familias cean e comen xuntas. Os nenos agardamos nervosos a Papa Noel. O 31 celébrase o fin de ano.