agosto, 2014

Agosto é o octavo mes do ano e recibe o seu nome en honra ao Emperador romano Augusto. Ten 31 días.

Maduran as sandías, os calacús, os melóns, as uvas... e moitos froitos silvestres.

Sulfátanse as viñas, páñanse os pendóns do millo, plántase a verdura, seméntanse as nabizas, o nabicol e os grelos.

Desovan os atúns, voan as crías das aves, a finais do mes comezan e emigrar algunhas especies: xirrios, alimoches, águias... A maioría dos insectos crían. 

Este ano o tempo andivo moi revolto, non foi um tipico mês de verán. A temperatura media foi de 19, 07 ºC. O día de máis calor foi o 17, con 30,59 ºC de máxima, e o de máis frío o 15, con 10,78 º C de mínima. O día de máis vento foi o 8, cun refacho máximo de 14,2 km/h. Choveu 12 días e recolléronse 59,9 litros. O día que máis choveu foi o 8, con 14,2 l. Os días diminuíron en 75 minutos.