Un paso máis fronte o cancro de mama

Investigadores da Universidade de Tokyo xunto con investigadores de EEUU foron capaces de crear un sistema mediante o cal se pode detectar o cancro de mama, sen necesidade dunha mamografía. Trátase dun nanosensor de 8 micrómetros de espesor, que pode detectar a presión en 144 sitios ao mesmo tempo. Así, pódense localizar tumores ao medir os cambios e a distribución da presión no peito. Este descubrimento achéganos a unha forma máis fácil, menos dolorosa e sen necesidade de expoñerse a radiacións para detectar o cancro, polo que nun futuro a detección do cancro de mama podería resultar  moito máis simple coa utilización de guantes sensibles á presión.

Ademais da súa transparencia, este sensor adáptase perfectamente aos dedos grazas á súa flexibilidade, podendo manter a súa precisión incluso cando se curva ao redor de superficies suaves como a pel. Para isto, empregaron nanotubos de carbono e grafeno a un polímero de plástico e tecidos de nanofibras cun diámetro de 300-700 nanómetros. Estas nanofibras enrédanse entre si, dando lugar a un material composto que é transparente e incriblemente delgado e, ao mesmo tempo, moi sensible, xa que pode medir con exactitude raios de ata 80 micrómetros.

O seu funcionamento é simple; basta con aplicar unha presión constante nos peitos con estes sensores, podendo detectar as diferenzas entre unha textura de peito normal e unha con tumores.

Para comprobar o rendemento deste sensor, os investigadores xa o probaron cun vaso sanguíneo artificial e viron que podía detectar pequenos cambios de presión, así como na velocidade de propagación desta. Agora, o principal obxectivo é crear luvas que detecten esa presión no peito, intentando substituír ás mamografías.