Novos métodos de produción de células nai

As células nai son células pluripotenciais, é dicir, son capaces de converterse en calquera célula do corpo humano. Isto fai que o estudo con células nai sexa moi importante xa que adianta un paso cara a mellora de tratamentos ou a busca de curas para moitas enfermidades. As células nai empregadas para a investigación ou uso clínico obtéñense mediante células embrionarias que teñen esa capacidade pluripotencial, ou ben mediante células maduras que son ''reprogramadas''. Por mor das discusións clínicas e científicas sobre o uso de células nai embrionarias, empréganse as células iPS,células maduras reprogramadas, que, a pesar de ser pluripotenciais, é necesario demasiado tempo para crealas no laboratorio  Para acabar con este problema, numerosos estudios elaboraron un novo método, a partir da ''conversión de linaxe directo'' ,para producir as células iPS, técnica á que denominaron ''conversión de liñaxe indirecta''. Esta técnica consiste no empuxe das células somáticas adultas un paso atrás, non desde cero como se facía ata agora, xerando células proxenitoras. Para demostrar esta nova técnica realizaron experimentos con células de pel para tratar de convertelas en anxioblásticas, é dicir, as células proxenitoras das células vasculares, adaptándose estas perfectamente ao sistema vascular do corpo.

Este novo método xa está sendo empregado clinicamente debido a que presenta vantaxes con respecto ás outras técnicas actuais. É un método máis seguro xa que evita que se produzan tumores ou outros cambios xenéticos adversos e presentan un rendemento maior aos outros procesos. Non obstante, a vantaxe máis salientable é o tempo de produción destas células en tan só 15 días en oposición as dous meses que se tardan con outros métodos. Este escaso tempo de produción fai que esta técnica sexa idónea para a súa aplicación en medicina rexenerativa.