Día de Rosalía

3 Marzo 2011
Rosalía

A  Asociación de Escritores en Lingua Galega (AELG) encargouse de organizar este 24 de febreiro, por segundo ano consecutivo, o Día de Rosalía, coincidindo co día do seu nacemento, neste ano o 174 aniversario.

O obxectivo da homenaxe pretende a institucionalización da efeméride, de forma que no calendario escolar figure como un día lectivo adicado a súa obra.
Celebráronse numerosos actos en varias cidades e vilas galegas, sendo a celebración central en Santiago, no Panteón dos Galegos Ilustres, onde descansan os restos da escritora. Simultaneamente léronse textos de Rosalía en Santiago de Compostela, A Coruña, Vigo, Lugo, Betanzos, Ferrol, Ourense e Pontevedra.

Desde esta páxina queremos facer a nosa pequena homenaxe a esta muller que nos agasallou con fermosos poemas nos que a natureza galega está presente en todas as súas caras. Recollemos un fragmento de “Cantares Gallegos”

 

                     

 

  IV

   Cada estrela o seu diamante;

cada nube, branca pruma,

triste a lúa marcha diante.

 

   Diante marcha crarexando

veigas, prados, montes, ríos,

donde o día vai faltando.

 

   Falta o día, a noite escura

baixa, baixa, pouco a pouco,

por montañas de verdura.

 

   De verdura e de follaxe,

xirín

salpicada de fontiñas

baixo a sombra do ramaxe.

 

  Do ramaxe, donde cantan

paxariños piadores,

que coa aurora se levantan.

 

   Que coa noite se adormecen

para que canten os grilos

que coas sombras aparecen....