Cumio sobre o cambio climático en Doha

O Cumio sobre o Cambio Climático celebrado en Doha, Qatar, a principios do mes de decembro veu cargada de numerosas polémicas debido á pouca implicación de moitos países desenvolvidos a acatar e tratar de reducir as emisións contaminantes freando ,como consecuencia, o cambio climático.

A parte positiva deste cumio foi a prolongación do Protocolo de Kyoto , o cal finalizaba neste mes de decembro, durante cinco anos máis, tempo no que se elaboraría un novo borrador que estaría listo para o ano 2015 entrando en vigor no ano 2020. Non obstante, a pesar de que a prolongación do protocolo de Kyoto debería ser un avance, países como Estados Unidos, Xapón, Rusia e Canadá  e Nova Zelanda desistiron unirse, comprometéndose soamente a cumprilo os países da Unión Europea e Australia que só  representan o 15% das emisións de gases de efecto invernadoiro liberados á atmosfera.

Este acordo, catalogado por algún como ''favorable'' ,foi moi criticado por asociacións como Greenpeace que piden aos gobernos maior implicación xa que se loita para garantizar un futuro para as xeracións vindeiras así como para garantizar a pervivencia de Filipinas así como outros países do mundo que veranse afectados polas consecuencias do cambio climático nun futuro non moi lexano. Non obstante, algúns dos países ricos, comprometéronse a axudar a estes países en caso de necesidade aínda que este compromiso non está concretado e habrá que esperar ao vindeiro ano para que comece a materializarse.

Outra aspecto salientable da cumbre, é o lugar da súa celebración, xa que Qatar é o país con máis emisións de gases de efecto invernadoiro per cápita, chegando a superar a porcentaxe de España entre seis e sete veces.

En conclusión, a Cumbre Climática de Doha, pódese considerar e é considerada por moitos como un fracaso hacia a radicación do cambio climático.