As bebidas gasosas envellecen!

15 Decembro 2012
bebidas gasosas

Nun  estudio  publicado en Dailymail.co.uk que traduce Ecologiablog, asegúrase que as bebidas gasosas poden envellecernos  antes do previsto.

Os científicos alertan do perigo, e  o  problema en si son os fosfatos que abondan nas bebidas gasosas , un ingrediente para avivar o seu  sabor e picor. É sutilmente nocivo, pois  introdúcese no noso organismo e o vai  deteriorando máis rapidamente.

Aínda que os expertos da Universidade  de Harvard experimentaron en ratos, cren que os resultados poden ter os mesmos efectos nos  seres humanos. Algunhas consecuencias poden ser que a pel e os músculos -no experimento-  murchábanse, ademais dos danos que provocan ó corazón e ós riles. Lamentablemente o fosfato  atópase tamén  noutros alimentos como carnes, pasteis e pan.

A situación é  preocupante porque moitos de nos consumimos gran cantidade  de bebidas gasosas. Sabiades que soamente dúas latas á semana son suficientes para que aumente o risco de padecer de ósos fráxiles, cancro pancreático, debilidade muscular ou parálise? A recomendación é clara, levar unha dieta saudable e equilibrada.