As algas na alimentación

10 Abril 2013
algas1

Nestes últimos anos, as algas comestibles demostraron á meirande parte da poboación occidental que, elas mesmas, posúen enorme serie de virtudes e nutrientes para todos nós.

Entre este peculiar alimento, salientan a especie “hijiki”, a “wakame”, a “nori”, a “doce” ou a “arame”, entre outras. O seu sabor e textura distintiva son algunhas das razóns que nos invitan a incorporalas nas nosas mesas, como xa levan facendo dende moitos anos atrás os xaponeses, que adquire aínda hoxe en día gran popularidade pola preparación e integración das algas na súa gastronomía. É, polo tanto, Xapón o territorio onde existe o maior consumo de algas por habitante, onde estas poden chegar a constituír o 25% da dieta da poboación, e do mesmo xeito, o maior exportador e produtor do mundo neste ámbito.

Aínda que cada vez son máis comúns na nosa vida, gran parte da poboación oriental non sabe que son exactamente estes seres vivos. Estes seres acuáticos posúen os mesmos ciclos que as plantas terrestres aínda que  non todas elas poden ser utilizadas na gastronomía. De feito, só son comestibles arredor dunhas 50 especies do total dunhas 25.000 ata agora coñecidas. Entre as comestibles, cabe diferenciar as algas  pardas e as vermellas.

algas

A alga “nori” é unha alga parda rica en proteínas e provitamina A que é normalmente combinada con alimentos fritidos. Caracterízase especialmente pola súa fácil preparación e a súa versatilidade na cociña. Está totalmente integrada na lista de alimentos indispensables para a preparación de pratos típicos orientais coma o “sushi”, as bólas de arroz, etc.

algas2

Outra das algas pardas dignas de mencionar é a alga “nishime kombu”, que aporta iodo e potasio e axuda á eliminación do colesterol, do mesmo xeito que favorece o control da tensión sanguínea e axiliza o traballo da dixestión. Outra das súas extraordinarias características é que facilita a absorción de distintos minerais, tales como o estroncio e do cadmio.

No grupo das algas vermellas destacan, entre outras, a alga doce e a “agar-agar”.

A alga doce é a máis famosa do Atlántico Norte e dise que era masticada na antigüidade polos guerreiros celtas e os vikingos nas súas travesías. A súa cor é avermellada e é un dos alimentos que posúe maior cantidade de ferro, polo que é recomendada en casos de anemia. Conta con un elevado contido en Mg, K, I e P. Este exemplar é o segundo máis rico en proteínas, despois da xa mencionada  “nori”.

Por outra banda, a alga “agar-agar” é rica en febra soluble e moi nutritiva, coma o resto das especies. Ten un alto contido en Na, Ca e P, aínda que este último en menor proporción, Fe e I. As súas grandes propiedades dixestivas axudan a eliminar residuos do estómago e dos intestinos. Do mesmo xeito, é efectiva na disolución do colesterol e moi requerida e utilizada en dietas de adelgazamento polo seu poder saciante e o seu baixo aporte en calorías.

Pero, como non, en Galicia tamén contamos con unha gran variedade de algas que se están a incorporar nos pratos dos restaurantes día a día. A nosa costa é o hábitat de máis de 600 variedades de algas, de todas as formas e cores. As principais recoletadas nesta zona son, por exemplo, o “espagueti de mar”, o “musgo de Irlanda”, a “leituga de mar”, a xa mencionada “nori”, etc. En Galicia, as algas adoitan a ser comercializadas en conserva, en sal, en po ou mesmo frescas e poden incorporarse tanto en comidas coma en sobremesas.