Agosto 2011

Agosto é o octavo mes do ano e recibe o seu nome en honra ao Emperador romano Augusto. Ten trintaeún días. A pedra de agosto é o sardónice e a súa flor a papoula.

Maduran as sandías, os calacús, os melóns, as uvas... e moitos froitos silvestres. Estalan as vaíñas das xestas e dos toxos deixando libres as sementes.

Sulfátanse as viñas, páñanse tomates, pementos, leituga... plántase a verdura e seméntanse as nabizas, o nabicol e os grelos.

A finais do mes comezan e emigrar algunhas aves: xirrios, alimoches, aguias... e chegan as invernantes. Crían moitos insectos e nos campos cantan os grilos e as carricantas

O tempo deste ano foi revolto, pouco típico de verán con moitos días anubrados e moi cambiante. Choveu 9 días, o que máis foi o 22, con 23,6 litros. Os días de máis calor foron o 11 e o 19, con28,7 ºCde máxima, e o máis fresco o 7, con13,9 ºCde mínima. As horas de luz diminuíron 75 minutos.