Agosto

Agosto é o octavo mes do ano e recibe o seu nome en honra ao emperador romano Augusto. Ten 31 días.

Maduran moitos froitos silvestres: estalan as vaíñas das xestas e dos toxos deixando libres as sementes. Maduran as sandías, os calacús, os melóns, as uvas...

Sulfátanse as viñas, páñanse os pendóns do millo, plántase a verdura, seméntanse as nabizas, o nabicol e os grelos.

Desovan os atúns e voan as crías das aves. Crían a maioría dos insectos e cantan nos campos os grilos e as carricantas.

O tempo do mes de agosto deste ano foi moi revolto. Choveu nove días e non houbo varios días seguidos de bo tempo. O día que se rexistrou a temperatura máis alta foi o 9, con 28,37 ºC e a máis baixa o 5, con 13,41 ºC. O refecho de vento máis forte foi o 30, con 86,29 km/h.