25 anos do IES Francisco Asorey. VIII Gala da Imaxe Submarina de Galicia

O pasado novembro celebrouse no noso centro a VIII Gala da Imaxe Submarina de Galicia, na que se fixo entrega dos premios das distintintas modalidade de fotografía e video submariño dos campeonatos galegos do pasado ano.

Ademais estivo exposta unha mostra coas corenta fotografías das mellores imaxes tomadas por fotógrafos submarinos de Galicia nas competicións desenvolvidas baixo o amparo da FEGAS durante o ano 2014. A exposición complementábase con material de mergullo e cámaras fotográficas especializadas. Mentres durou a mostra o profesor Angel Rey Roca, que tamén é afeizoado á fotografía e video submariño (por certo recibiu varios premios), fixo visitas guiadas e explicou como funciona o mundo do mergullo.