14 de xuño. Día Mundial da Doación de Sangue
28 Xuño 2013
Cada catorce de xuño celébrase en todo o mundo o Día Mundial do Doante de Sangue. Este día serve para concienciar sobre a necesidade de dispoñer de sangue e produtos sanguíneos seguros e para facerlle un recoñecemento ás persoas que doan sangue de xeito voluntario para mellorar a saúde dos demais.
Este ano é o décimo aniversario da celebración do Día do Doante de Sangue e o lema da campaña é que a “doación de sangue salva vidas”.
ALGÚNS DATOS:
-Cada ano recóllense 107 millóns de unidades de sangue.
-O 65% das doacións de sangue fanse en países desenvolvidos.
-O obxectivo da OMS para o 2020 é conseguir que en todos os países o 100% das doacións sexan voluntarias e non remuneradas.
-A Organización Mundial da Saúde (OMS) escolleu esta data en conmemoración do nacemento de Karl Landsteiner (Viena 1868), un patólogo e biólogo austríaco que descubriu o factor RH (factor Rhesus), polo que se lle concedeu o Premio Nobel de Fisioloxía e Medicina no ano 1930.
